Ordninga har som føremål å legge til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda.
Denne ordninga har fram til no vore administrert av fylkesmannen. Endringa vil innebere at kommunen må fastesetje lokale retningsliner som fastset kva for tiltak som vil bli prioriterte m.o.t. utmarksbeitinging i kommunen. Retningslinene vil innehalde timesatsar for eige arbeid i kostnadsoverslaget. Retningslinene vil også seie litt om kva for tiltak ein ønskjer å prioritere i Stranda, og kor stor tilskottsandelen skal vere for ulike typar tiltak.
Følgjande tiltak er definerte som stønadsverdige (ikkje uttømande):
- Sperregjerder
- Ferister
- Bruer
- Gjetarhytter
- Sanke- og skiljeanlegg
- Anlegg/rydding/ utbetring av driftevegar
- Saltsteinsautomatar
- Transportprammar
- Elektronisk overvakingsutstyr (radiobjøller, lammenodar, merkeavlesarar, findmysheep, dronar m.m.)
- Elektronisk gjerde (t.d. av typen Nofence)
Kommunen vil utarbeide lokale retningsliner og kunngjere søknadsfristen når desse er på plass (krev politisk godkjenning).