14. oktober fekk bebuarane ved Sunnylven omsorgssenter nyte eit godt haustmåltid
Kjøkkensjef Hilde Rosenvinge ved storkjøkkenet Stranda omsorgssenter, tok turen og kunne by på heimelaga, kortreist hjortegryte m/ viltgrønnsaker, potetstappe og nyrørt tyttebærsyltetøy. Til dessert blei det servert trollkrem med vaniljesaus. Kjøkkensjefen vil rette stor takk til Fausa vilt v/ Steinar Aanning og Ove Nordang for at dei sponsa med kortreist, lokalt kjøt av hjort. Vi er heldige som har gode støttespelarar med på laget for å kunne tilby eit slikt sesongbasert festmåltid for bebuarane. Regnveret ute gjorde stemninga ekstra høgtideleg og dei eldre var godt fornøgd, avsluttar Hilde.