Ei veke etter at fylkestinget behandla saka om tiltakspakkar i møtet sitt 21. april, er no tiltakspakkane til kulturfeltet klar for å lysast ut. Tiltakspakkane er på totalt 22 millionar kroner.
Totalt sett har ordningane som mål både å sikre inntekt og å vere målretta mot enkelte aktørar. Det er lagt vekt på å kompensere og fylle ut for manglande nasjonale tiltak, på kort og mellomlang sikt. Nokre har også ein klar langsiktig, gjenoppbyggande effekt.
Tilskotsordningane er:
- 10 millionar til å kompensere for inntektstap
- 2,5 millionar kroner til "kompetanseordning for avlyste og flytta arrangement
- 2,5 millionar kroner for tapte leigeinntekter for frivillige lag og organisasjonar som eig og driv bygg og anlegg
- 500 000 kroner i tilskot til fartøyvern
- 1,6 millionar til bevaring og restaurering av kulturminne av regional og høg lokal verdi
- 1,4 millionar til skilting, skjøtsel og tilrettelegging av kulturminne, historiske vegar og friluftsområde
- 900 000 kroner til kompetansehevande tiltak for aktørar innan kulturelle og kreative næringar
- 600 000 til kjøp av forskingsoppdrag på kultur og folkehelse
- 12 millionar kroner til digital formidling av kunst og kultur
Søknadsfristen er kort, då det er viktig for fylkeskommunen å få delt ut midlane raskt. Søknadsskjema til dei ulike ordningane blir opna seinast 30. april på Møre og Romsdal fylkeskommune si nettside. Merk at ordningar og retningslinjer kan bli endra etter vedtak i kultur-, næring og folkehelseutvalet 5. mai.
For meir informasjon: https://mrfylke.no/nyheiter/tar-grep-for-aa-dempe-koronakrisa